孫女小糯米提早慶祝父親節！劉丹大讚有心思

藝人劉丹到九龍灣宣傳處境劇《愛．回家之開心速遞》，講到今日父親節，他表示整天都要開工，但昨晚太太及孫女小糯米以送上驚喜，他冧爆地說：「佢哋整咗個蛋糕畀我提早慶祝，個孫女仲自己畫咗幅畫，有我個樣同埋好多花花草草，因為之前佢學畫畫，我叫佢畫花草，所以好有心思！」

他指兒子劉愷威仍在大陸拍劇，未有時間返港，但已送上禮物：「送咗禮物，相當貴，仲好實用。（係咪手機？）咁平㗎咩？唔止！總之我好鍾意嘅！」