終於有工開！柯震東瘦到認唔到

今日喺台灣藝人柯震東28歲生日，成龍仔仔房祖名一如以往為好友慶生，呢對難兄難弟一齊吃喝玩樂，又共過患難，經歷過咁多事感情唔單止冇變仲愈來愈堅固！祖名將為柯震東慶生的照片放上社交網，然後話「工作狀態的他.....瘦了很多」、「突然...更帥了....生日快樂」祖名透露好友已經有工作，而照片所見柯震東真係瘦咗好多，好多網友都話認唔出佢。另外，柯震東的粉絲及哥哥都有為佢慶生，雖然佢係瘦咗，但就操出一雙麒麟臂，睇嚟係為工作準備。

前年，傳遭內地封殺的柯震東頓時「雙失」，與相戀三年的女友李毓芬分手及事業停滯不前，曾在社交網發表：「我死了有人在乎嗎？」嚇得大批粉絲留言勸阻及打氣，睇嚟今次佢真係重新振作，為事業再出發。