艷福無邊!梁漢文喪拍親熱戲

2019年06月18日 20:51
東網電視
更多新聞短片
梁漢文艷福無邊。

藝人梁漢文(Edmond)到黃竹坑為ViuTV新劇《MeToo》進行拍攝,他表示劇集將於6月底拍畢,又大爆新戲以性騷擾為題材,戲內艷福無邊:「好重桃花!(你性騷擾人定被性騷擾?)畀人性騷擾,角色關係都好複雜,我係做一個出色嘅設計師,有老婆、仔女,同張慧儀有發生醉酒亂事,然後我又有一個固定情婦,而Venus(王敏奕)又好欣賞我,有啲曖昧!」

問到周旋於多位女演員當中好開心?他尷尬秒答:「唔好咁講,從來未試過拍咁多,一啲都唔好玩,男士們唔使羨慕,拍攝場地好難頂,同Venus拍嗰場係喺好簡陋嘅地方、充滿汗味。」問最激場口是?他預告說:「床戲梗有,浴缸戲梗有,啱啱講同Venus嗰場係強暴。(太太知道?)未知詳情,佢唔喺香港,等佢返嚟先再同佢講。」講到現實中Edmond舉行美國巡演亦被非禮搣籮,他笑言混亂中都少不免會遇到:「會痛,但冇傷嘅,好結實,唔使為我股擔心。」

安仔同BIG FOUR道歉

提到兄弟蘇永康接受電台訪問,透露許志安(安仔)有就「安心偷食」一事跟BIG FOUR道歉,Edmond聞言驚訝說:「我唔知佢(蘇永康)講咗,其實(安仔)都唔使同我哋道歉,作為朋友喺呢個階段都係畀時間佢調整,都唔方便講太多。(有同安仔聯絡?)一直都有,對上一次係上星期,都係啲簡單對答,我自己依家都忙到七彩,不過星期五會去睇蘇永康演唱會。(安仔都去?)咁就唔知佢。」

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。