首次見羅霖 倪晨曦零壓力:向佢學習

2019年06月22日 14:20
東網電視
更多新聞短片
倪晨曦好有自信咁話見到羅霖冇壓力。

藝人倪晨曦與羅霖出席開幕活動,講到同場有「美魔女」羅霖會唔會覺得有壓力?她說:「點解會有?(佢係美魔女!)我一陣要同佢好好學習,今次係第一次見佢,之前有見過相,覺得佢keep得好好,好年青。(你點Keep Fit?)都係做運動,但做運動之餘都要通淋巴,就好似我哋做瑜伽都要拉筋一樣。」

倪晨曦之前講到婚宴場地仲未有定案,問到依家進度點?她說:「仲未confirm,都唔知會唔會搞搞吓結唔到婚,講笑啫!都會順利,其實我已經有目標,但工作人員覆得好慢。(轉場地?)其實我已經轉咗兩次,再轉唔知幾時先得。」佢又透露嚟緊會有電影拍攝:「好耐都無拍過電影,今次做一個知性美女,拍幾日咁。(唔接長工作?)睇吓角色需要,因為要保養身體,朋友都有睇中醫調理,尤其是我哋做藝人,要keep住最佳狀態,好似過咗30歲就要戒凍嘢飲、戒蒲咁。」

---------------
立即參加「賞您睇」: http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。