怕小鮮肉冇耐性 張曦雯愛前輩夠經驗

2019年06月22日 22:30
東網電視
更多新聞短片
張曦雯話同前輩合作會安心啲。

「宅男女神」張曦雯(Kelly)在無綫新劇《白色強人》中飾演腦神經外科醫生,暗戀師父郭晉安。當中有不少見血的手術場面,不過Kelly就無有怕,還非常享受:「因為我打開喪屍遊戲,又鍾意睇恐怖片,所以對血冇乜感覺,反而覺得啲道具做到好逼真,我係咁攞把手術刀係咁插。」提到她在戲中的另一半都是熟男,問到會否想跟小鮮肉合作?Kelly笑言:「其實同資力深嘅前輩合作仲好,佢哋好有經驗,我會安心啲。(唔想拍小鮮肉?)可能佢哋會冇咁多耐性,經驗淺嘅連自己都搞唔掂,點幫到我。」Kelly透露郭晉安經常提點她要保持呼吸,放鬆心情才能把戲演好。

裸露要睇劇本

Kelly有感自己並非科班出身,每次演出都會信心缺缺,故她決定七月前往美國洛杉磯修讀演藝課程一個月:「我覺得自己有料啲,就會冇咁緊張,讀咗會令我舒服同安心。拍《跳躍生命線》嘅時候有啲迷茫,好在有前輩喺身邊教,但唔係成日都有人教。」問到會否在當地趁機試鏡?她說:「去荷里活發展係我嘅夢想,但我唔夠叻,之後再諗,不過我之前拍劇要講英文,導演話覺得我講英文對白演得特別好。(如果尺度大膽,要裸露你接唔接受?)睇吓有冇原因去做,如果係好難得嘅劇本都OK。」

唔同圈外人拍拖

講到感情生活,Kelly自言除非到談婚論嫁階段,否則都不會公開另一半:「我唔會揀圈中人做另一半,咁耐都未試過,而且都唔係好吸引我,所以如果對方唔係圈中人,我唔想講咁多,唔想佢承受壓力。」


場地:1963木十豆寸
化妝:Janice Lam@Glow Makeup Academy
髮型:Echo Wan@Jacky Ma
服裝:Manoush from rue Madame

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。