Aka擔心父母患認知障礙:畀佢哋打牌

2019年06月23日 16:21
東網電視
更多新聞短片
Aka擔心父母患認知障礙症。

Super Girls隊長Aka(趙慧珊)出席電影首映,該戲關於認知障礙症,她坦言也擔心父母會患上這個病症:「啲人話多啲按摩個頭同食冬蟲草可預防,所以我每個月都會買冬蟲草畀全家食。我覺得如果一個同你相處咁多年嘅人,最後唔認得你,就好似佢喺你身邊,但個靈魂唔知去咗邊咁,所以大家要關心呢個病,如果家人想去打麻雀就畀佢哋打。(你會唔會陪父母打麻雀?)我會問佢哋啲好無聊嘅IQ題,等佢哋個腦郁吓,但佢哋都唔識答,我平時又會同佢哋講吓笑,等佢哋窒吓同寸吓我。」Aka稱盡量每年抽時間跟家人去旅行,今年跟父母去了倫敦,大家玩很開心。

Aka透露由她有份演出的電影即將上映,戲中與吳建豪、伍允龍及安志杰合作:「佢哋三個打得好勁。(你使唔使打?)我只係摑咗人一巴。佢哋打到骨折,我睇住伍允龍被送上白車,所以都好期待出嚟嘅畫面。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。