林雅詩繼續學做導演：仔仔係我御用Model

藝人林雅詩（Grace）與經理人馬天樂到石門出席晚宴，Grace表示稍後會拍攝勵志電影，而魏俊傑有興趣擔任編劇，馬天樂表示尚要傾談詳情，暫時只是初步階段。除了主演外，問Grace會否有興趣再執導或參與編劇？她謙稱曾做導演，一切都尚要學習：「平時都鍾意拍吓嘢，用手機或者相機都會影下，仔仔係我御用Model。」

她透露現場有舞獅隊表演，但因自己怕熱怕暈，今次未有參與，已學舞獅兩年的她表示平時也有獲邀表演：「兩樣都有，多數人想我着靚靚唱歌，然後換衫表演舞獅。（邊樣緊張啲？）舞獅仲緊張，平日習慣咗唱歌，但係舞獅好多動作，怕自己做得唔夠好，近期又比較忙，少咗練習，多多包涵。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。