【第一次畀咗羅霖】關楚耀回禮義影索相

2019年06月24日 00:00
東網電視
更多新聞短片
關楚耀幫羅霖影索相。

藝人羅霖推出美容書,曾和羅霖合作拍戲兼上演床戲的歌手關楚耀,原來負責拍攝空中瑜伽部分,因兩人碰巧都是同一個瑜伽教練,羅霖說:「關楚耀畀咗第一次我,教練叫我搵佢影,讚佢影相好靚。佢真係影得好好,空中瑜伽好多動作都要倒吊,吊得耐額頭會爆微絲血管,好彩佢好快手冇呢個問題。」關楚耀接受東網訪問說:「可以成為佢其中一個攝影師,當然開心,最大滿足感係佢好滿意。拍完戲後大家都有互相支持同幫忙,例如我開騷佢會帶埋朋友嚟撐場,佢想學瑜伽,我又介紹老師畀佢。為咗支持佢,我當然唔收錢!」

為自我挑戰,不懂游泳的羅霖冒險玩水底拍攝,身穿性感晚裝在水底擺優雅甫士,難度超高:「泳池一米幾高,影時唔可以企直,要打橫個身,但打橫時又會浮起,最終要喺條腰綁住舊鉛。我唔識游水,影相時要閉氣兼擘大眼,又要顧住條裙同髮型。初時只可以閉氣一分鐘就上水,慢慢可以耐啲,成個過程影咗兩個鐘,教練都話我學得快,因為我唔想阻人收工。」

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。