當年刺傷黃淑儀！汪明荃：每次都再講對唔住

藝人汪明荃（阿姐）悉心打扮出席友人開的畫展。談到日前黃淑儀重提當年與阿姐合作被刺傷眼一事，言談間抱怨阿姐未有電話問候，阿姐說：「有留意，由後生到依家我都講緊對唔住，可能年輕時我唔係好識呢啲，但佢每次講親，我都會再講對唔住，咁多年佢可能真係好介意。（同黃淑儀冇交往？）唔係喎，我哋有合作過拍劇。」

阿姐笑謂對畫畫方面全冇天分：「書法都唔得，我只係識做戲。嚟緊又會有9日10場嘅粵劇演出，同老公羅家英一齊演出，喺西九首次踏台版。」至於《娛樂大家》宣布再添食，阿姐說：「好多人想上嚟玩，年輕觀眾鍾意睇。嚟緊可能會換啲內容，受歡迎嘅應該會保留。（你同薛家燕主持嘅節目都好長壽。）唔同嘅節目都總會有唔同嘅觀眾層。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。