落台即換平底鞋！阿嬌幸福肥原來係有咗？

38歲藝人鍾欣潼（阿嬌）去年同有台灣「醫界王陽明」之稱嘅賴弘國拉埋天窗，婚前落力減肥做靚靚新娘嘅佢，做咗人妻之後就不時被笑「幸福肥」，但老公一樣勁Like！日前有內地網友分享阿嬌出席活動嘅相，見阿嬌着咗條白色鬆身長紗裙外披牛仔褸，但都遮唔住包包面、麒麟臂同水桶腰，成個人明顯脹咗成個碼。雖然早前阿嬌講過自己要落力減肥，仲自爆由一日食七餐減為一日食一餐，但依家睇嚟冇乜成效喎，唔通佢好似湯洛雯咁中咗「不瘦降」？

不過阿嬌當日雖然係着高跟鞋上陣，但全程由工作人員扶實上台，一落台仲即刻換番平底鞋添！以上種種加埋，令網友突然「叮」咗一聲，驚呼：「阿嬌係咪有咗？」即有唔少粉絲紛紛恭喜佢，仲話呢種「幸福肥」更加開心添！

對阿嬌盛傳有喜，她否認懷孕，而她的經理人霍汶希回覆東網：「我會叫阿嬌減肥，其實佢哋計劃咗，不過唔係今年生，佢唔係有咗。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。