透出蜜桃胸!陳庭欣驚爆被陳百祥嚇窒

20190625
東網電視
更多新聞短片
陳庭欣自爆曾被陳百祥嚇窒。
藝人陳庭欣(Toby)今晚盛裝為仁愛堂晚宴擔任司儀,若隱若現透出33.5C「蜜桃胸」,相當吸睛!同場亦有釗峰、黃德斌等,齊齊跟仁愛堂主席連卓鋒合照。Toby表示會跟嘉賓司儀陳百祥拍住上主持名酒拍賣環節,跟陳百祥合作無間的她自爆曾被對方嚇窒:「以前會驚啲,當時太幼嫩、細膽啲,又好聽話咁背稿,一背唔到就會畀佢話『做咩?記唔到呀?』,但我知佢係為我好,不過佢有時都會公開問我私人嘢,例如拍拖,呢啲都係磨練我,私底下我哋好Friend,會去佢屋企參加Party。」
孖太太黃杏秀恩愛到場的陳百祥大讚拍檔Toby:「同我合作得都係香港小姐,佢係最靚、最醒!咁耐都Keep住係筍盤。(冇催Toby快啲同男友結婚?)冇,我都後悔咁早結婚,以我一表人才幾多女朋友!(當住太太面咁講?)佢唔係人,佢係仙女下凡!」幾句說話就氹得兩位美人開懷大笑,果然高招!至於被拍到最近同男友去超市買餸煮飯仔的Toby,對於結婚一事怕醜謂:「唔遠又唔近!」續透露將替男友跟友人投資的五行會館做代言人,問到是否女友價?Toby說:「係TVB員工價,應該會主力做運動嗰Part嘅代言,自己一直都想做運動代言人。」
會做港姐主持
問到陳百祥可會為2019年度香港小姐擔任主持?他肯定指會,因為自1994年以來只跟無綫簽下一個活動主持:「咁樣唔綁身,同埋我知係最貴嘅一個騷,所以一直都冇人工加,我諗做到2046年就唔做㗎啦!啲香港小姐都唔認得我。」會叫埋曾志偉一齊主持?他抵死反問:「佢唔係去咗另一個台?升咗仙?搵唔到佢個人,佢咁多物業可能發咗達!另一個譚詠麟就周圍唱,一首歌收6位數字,佢哋兩個都比較鍾意錢。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。