新劇結緣 吳浩康周國賢一拍即合

20190626
東網電視
更多新聞短片
拍套劇就多個Friend,係開心嘅。
藝人吳浩康、周國賢、駱振偉等主演的ViuTV全新劇集《REBOOT》七月頭播映,周國賢、吳浩康兩位歌手首次合作便一見如故,更成為好兄弟,周國賢就話默契十足,不用多講已知道對方想點:「我哋其實係同一屆新人,咁多年來都冇特別傾電話,今次我哋都帶結他到場,初時我怕唔夾,點知一起音樂,已知對方想要咩歌!」吳浩康亦表示:「我哋未開工前已經約好,不過我哋唔會掛住玩,都會對戲㗎!不過冇嘢做嗰陣,應該都會唱番兩咀,當然以唔影響劇組為大原則!不論音樂同電視劇我哋都係第一次合作,今次發生得好有趣,兩個歌手走埋一齊拍戲,人生真係好多事想像唔到,相信今次係我哋結合的起步點。」
雖然《Reboot》是喜劇,但吳浩康為免刻意模仿前輩搞笑方式,所以暫拒睇笑片做功課:「其實周星馳嘅電影我已經睇到識背,但係我覺得如果睇太多,怕跟咗人哋演繹模式,所以都係睇劇本想要我點做,自己研究多啲。」他亦透露周國賢會突然爆肚,幽默感令人喜出望外:「咁佢係要咁做,好多時對白如果度定晒,就冇驚喜,反而用自己想法去演,就會有新感覺!其實最難頂就係佢成日做一個扮Cool嘅手勢,好在戲外佢冇咁做,如果唔係都幾難頂!」他亦笑指周國賢戲中成日冤枉自己,但戲外二人關係反而十分親厚:「我係好煩嘅人,唔洗埋位成日講嘢,所以我都怕煩親佢,因為佢比我感覺係好靜的人。點知一熟咗,就知道佢都係同路人,有啲料到!」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。