菊梓喬同23歲小鮮肉鬥戲　齊齊轉到頭暈

歌手菊梓喬（Hana）日前為新歌《白色強人》的片尾曲《沒有你開始》拍攝MV，Hana笑謂：「今次係少有的故事性MV，終於有機會比我練演技，仲要有男主角互動，男主角曾展望（GM）真係小鮮肉，佢得22歲又夠高大，年紀輕輕好識得講嘢又有戲，真係前途無限。」

今次故事講述GM突然暈倒昏迷不醒，Hana想盡辦法要救醒所愛：「有一下自己都投入到喊，上次拍《只想與你再一起》個故事又係要同男主角分開，令到自己好傷心，自己好多歌都係唔開心傷感嘅，要同公司申請一啲開心嘅愛情歌。」

導演仲安排二人有跳舞轉圈嘅戲份，Hana：「要着住高踭鞋轉圈其實真係幾難，而且我又唔擅長跳舞，只有靠GM帶我轉圈，轉咗幾個shot之後我已經覺得暈，其實平時坐車坐船我都好易暈，好彩已經係拍攝嘅尾段。」

--------------

立即參加「賞您睇」：http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。