新作將成告別作 何雁詩暗示會退出樂壇?
歌手何雁詩兩年後再推出新歌《包庇》到電台宣傳,剛巧今日是她入行十周年,問到她是否感觸良多?何雁詩說:「係㗎,呢兩年都經歷好多高低起跌,開頭比較靜嘅時候唔係好習慣,覺得好失落,依家會覺得有自己嘅時間都可以有貢獻,好似屋企,依家又打番港隊,最緊要係唔好嘥時間同埋怨。」
何雁詩指歌曲是自己年少時的戀愛經歷,雖然對方不好,但亦不願放手,還為對方說盡好話,相信亦是不少女孩子的寫照,與鄭俊弘甜蜜拍拖的她笑說:「依家就唔使包庇喇,啲fans都叫我唱啲sweet嘅,唔使咁悲情,切合番我依家嘅情況。希望呢首歌會有好成績,唔會成為我嘅告別作。」何雁詩指想法不是悲觀,認為任何事也不是必然,她說:「做咩都要有成績先可以繼續,唔通喺度燒銀紙咩。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。