謝賢探「獨臂刀王」　王馨平讚有情有義

藝人謝賢（四哥）近日去咗台灣撐前妻甄珍出自傳，除此之外，佢仲有抽時間探望吓老友，有「獨臂刀王」之稱嘅王羽就係其中之一，王羽女兒王馨平喺社交網甫相發文表示：「謝謝四哥百忙中抽空去台北探望我父親，一位有情有義的長輩。也謝謝我的妹妹Carol，快四年的時間，她一直是主要的照顧者，實在辛苦！」相中見到謝賢身處醫院與Carol一同合影，喺泰國中風導致癱瘓嘅王羽就坐住輪椅喺一邊，見到佢戴住帽及有插喉，不過就見唔到樣。

王羽與謝賢相識多年，2015年拍攝節目《4個小生去旅行》時，謝賢同曾江出席記者會發生衝突，期間謝賢更當眾掌摑曾江，事件引起很大回響，當時身在台灣嘅王羽曾透過女兒王馨平表示，希望主持和頭酒令到謝賢及曾江可以和好如初。

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。