連詩雅31歲生日P　當住男友徐浩面攬仔

藝人連詩雅（Shiga）今日31歲生日，圈中人緣甚廣嘅佢尋日下午就獲黃翠如同陳自瑤為佢預祝生日，令佢相當驚喜。而到咗夜晚，Shiga就獲經理人公司嘅同門藝人及同事為佢慶生，當中包括周柏豪、鄭融、黎紀君、梁諾妍同鍾浠文等。佢分享咗多張合照並留言：「我最大最大的祝福❤️#629#大了一歲#一家人沒有甚麼更重要#n年一齊過#感恩#謝謝❤️」講到一家人喎，又點少得男友徐浩呢？雖然佢哋冇單獨合照，但喺大合照入面，徐浩就企咗喺Shiga後面做「背後的男人」，低調地向大家投擲閃光彈！而同周柏豪老友鬼鬼嘅Shiga仲喺男友面前攬實對方合照，真係完全唔怕徐浩呷醋喎！不過徐浩都好大方嘅，雖然佢冇喺社交網上載合照，但就分享咗生日蛋糕上面代表住Shiga嗰隻熊仔嘅相，留言：「Happy birthday girl!Be a happy girl!」望真啲隻熊仔手上仲拎住Shiga首新歌《過路人》嘅繅譜，慶生同時打歌，呢個男友真係唔話得呀！

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。