MIRROR拍真人騷睇《RUNNING MAN》做參考

2019年06月30日 16:39
東網電視
更多新聞短片
MIRROR話最想拍旅遊節目。

人氣組合MIRROR五位成員包括姜濤、江熚生(Anson Kong)、呂爵安(Edan)、柳應廷(Jer)及陳卓賢(Ian)現身Mikiki舉行的「RUNNING MAN AT MIKIKI 超能力對戰之旅」,除了獻唱曲歌外,又與粉絲玩遊戲。提起韓國綜藝節目《RUNNING MAN》,他們表示也有觀看,因為他們有主持真人騷《MIRROR GO》,故會留意不同綜藝以吸收經驗,並會分析每個人的配對角色,其中Edan被取笑似李光洙,因為逢遊戲必輸,Anson笑言:「佢叻在所有人都唔想同佢一隊,就連玩包剪揼都輸,但佢係好盡力去玩。」Jer則自認是智力者,而Alton(王智德)及Stanley(邱士縉)被公認是能力者,因為最大隻。問到最想做甚麼類型的綜藝節目,他們一致認同最想做旅遊節目,但知道因經費問題,未必能十二位組合成員一同前往,或者分批到不同地方,又揚言旅行有助培養大家的感情及默契。

另外,姜濤下月會舉行個人演唱會,他表示舞蹈部分已練得差不多:「依家不停重複排練,因為我好重視個演出,想呈現多啲舞蹈畀大家。(有冇特別環節?)我請咗Anson Lo(盧瀚霆)同肥仔(梁業)做嘉賓,因為聽到大家話好期待佢哋。」見姜濤的臉上長滿粒粒,問他是否很辛苦?他無奈說:「係,呢行好容易生粒粒,我想話我仲係青春期,生粒粒好正常,但已經唔可以用呢個做理由。」不過Anson笑言全隊只有他有資格以這個為理由。至於會否在個唱中騷肌?他坦言:「呢一生實有機會,但唔係呢個timing。」Edan就建議他露咀嚼肌。


---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。