对话截图曝光　造型师踢爆范冰冰怀孕真相

内地艺人范冰冰同李晨早前宣布分手后，唔少传闻随之涌现，当中要数传范冰冰大肚最爆，条料有埋片话佢肚凸凸之馀，仲话个肚可能唔系李晨！呢日佢个造型师喺微博爆料，公开双方对话Cap图摆上网畀大家知道范冰冰大肚真相！

从对话截图睇到，造型师完全冇废话第一句就问：“说你怀孕了！”冰冰紧接回覆话全世界都觉得佢肥到似怀孕，但系佢好肯定自己瘦咗，不过造型师就唔系咁睇，寸佢话攞啲衫去试吓，睇吓有边件佢着得落，仲话以后要叫佢做“肥冰”，原来冰冰唔系怀孕只系肥咗啫。

而佢哋嘅对话亦同时证实咗两件事，第一：造型师叫冰冰趁依家“一个人”要努力减肥，即系之前传冰冰同李晨假分手玩地下情嘅传闻唔真实。第二：范冰冰话自己仲有一个月先至开工唔急减肥，即系范冰冰将会喺八月正式全面复出。

---------------

立即参加“赏您睇”： http://bit.ly/2JWKULh

Click下面粒掣，储on.cc coins！机票、家电、超市礼券、过万份奖品等紧你。