游學修畀盧海鵬喪鬧 煞科日竟然...

2019年07月03日 20:14
東網電視
更多新聞短片
最後咪係盧海鵬認同咗游學修!

資深演員盧海鵬與游學修合作ViuTV新劇《仇老爺爺》,身為導演的游學修笑指今次邀得鵬哥出山,認真大面子,不過就自爆成日畀鵬哥鬧,他笑說:「已經習慣晒,佢鬧嚟鬧去都係嗰啲嘢,開始會覺得佢個人好友善,真係講你都唔信,拍到煞科日,鵬哥收工嚟拍一拍我,成套劇最親密就係呢一刻,可能佢開始覺得呢個𡃁仔係認真做嘢,開始認同我。」游學修表示未試過到外地拍戲,難得做導演自己話事,決定前往菲律賓帛琉取景:「嗰度真係咩都冇,人流好少!我哋去到都唔習慣,當地九點鐘未到,所有舖頭都關門,不過後來都適應晒,好舒服。」

鵬哥則表示到帛琉拍攝很辛苦,幾日已經曬黑:「地方真係好靚,可能佢哋就鏡頭啦!我哋就辛苦囉,眼都撐唔大!(游學修做導演得唔得?)評分要畀九十幾分,愈拍愈有勁,又有進步,好好㗎!(想唔想再拍劇?)依家真係好難講,因為自己年紀大啦!所以要好劇本而有需要我呢個角色,先會考慮。」

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。