做內地男神!關智斌估唔到自己有第二春

2019年07月03日 23:07
東網電視
更多新聞短片
Kenny載譽回歸香港。

藝人關智斌(Kenny)晚上現身旺角,出席英皇電影《墮落花》煞科宴。近日工作繁忙的他有點疲態,他說:「尋晚拍完廣告,今朝06再開工,同黃宗澤及吳卓羲拍新劇,一收工就趕過嚟,只係瞓咗兩粒鐘咋。」

問是否正式回歸香港娛樂圈?他說:「估唔到會有第二春。我去內地發展咗4、5年,返嚟做張敬軒演唱會嘉賓,估唔到大家仲認得我,跟住劇集電影同廣告都開始有job,咁咪留低囉。」台上演出經驗豐富的他,談到9月14日與舊拍擋張致恆於紅館開個唱,他形容自己相當緊張:「暫定1場先。而收到消息嗰日,我咁啱搭飛機飛去巴黎時裝周,全程都好亢奮,遲啲我哋就會開始綵排,就會成日見面。」

首次和品牌邀請出席巴黎時裝周的他,覺得自己眼界大開:「話晒我唔係潮人,今次用咗啲有限英文同啲設計師溝通,佢哋好好,知道個開演唱會,話會贊助我服飾。(贊助埋張致恆?)唔會留咗佢嘅。(叫佢積極減肥?)我冇呢個能力,要交畀你地(記者)喇。」

--------------
立即參加「賞您睇」:http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。