無綫原定於7月22日晚上八時三十分播映由黃智雯、邵美琪的新劇《街坊財爺》，不過東網收到消息指無綫臨時變陣，改播由張振朗、譚俊彥主演的新劇《包青天再起風雲》頂上。

張振朗之前因受黃心穎事件所累，多套劇被抽起，就連《牛下女高音》都不會重拍，播映無期，堪稱「無綫黑仔王」，幸而現時終於有劇出。而《街》劇監製梁材遠坦言剛剛收到消息，對於劇集被抽起，他表示是節目部的安排，他說：「公司有咁多節目，幾時出街都冇所謂啦！不過我之前因為叫咗喺大陸嘅苑瓊丹返嚟宣傳，唔知佢買咗機票未，要快啲通知佢先得。」

黃智雯表示未收到通知，說到很久沒有劇出街時，她謂：「我都有一年冇劇出街，當然希望可以快啲有作品畀觀眾見到，都有幾套拍咗。」她又表示現正忙於為七月到法國上戲劇堂作準備。

---------------

立即參加「賞您睇」：http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。