唔怕被爆黑歷史！港姐大熱蔡嘉欣開Live吸票

被視今屆港姐大熱嘅YouTuber蔡嘉欣，自參選後被網民爆出唔少黑歷史，睇到大家一地花生。呢日嘉欣就喺網上同網友互動，仲逐一回答網民問題，當中包括「點解參選港姐？」佢就話：「我想睇吓我嘅人生會唔會有更多其他嘅可能性，如果有幸入圍，我相信呢一個會係人生一段難得而獨特嘅經歷！」

再被問到「有咁多網民爆你啲黑歷史 你有咩感想？會唔會令你想放棄選港姐？」嘉欣表示一早預咗呢個情況發生：「畢竟我真係有太多歷史留咗喺網絡界，咁多年都學識咗好多，快樂是一種選擇，同埋接受批評，坦然面對！」而佢仲話唔敢諗有咩名次，入咗圍已經好開心，又感激男友嘅支持兼大讚佢係絕級好男友添！

--------------

立即參加「賞您睇」：http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。