許廷鏗望與林欣彤鄭欣宜做真人騷

2019年07月05日 21:13
東網電視
更多新聞短片
許廷鏗希望與鄭欣宜、林欣彤一齊開騷、一齊做真人騷!

歌手許廷鏗(Alfred)及陳慧敏以神秘嘉賓身份現身好友林欣彤(Mag)的新歌發布會,Alfred透露是調動工作撐場,而陳慧敏更因夜晚要返澳門開騷,所以專程到一到場然後再去趕船,十分之有義氣!Alfred表示今次是Mag的首個新歌發布會,唱片公司特意邀請對她重要的人出席,笑言本身被安排跟對方的父母齊名一同上台獻花:「影到個畫面好似嫁女咁。」又講到好耐沒有與同樣是「巨星幫」出身的Mag共事,都好期待對方演出。

今次Mag加盟華納唱片公司可算是Aflred幫忙穿針引線,問到是否責任重大?他抵死笑住話希望於其他方面都能幫手,例如做媒人介紹男友,續指跟Mag及鄭欣宜(Joyce)同是2011年度的新人,希望有機會齊齊開騷,他亦趁機會大讚Joyce唱功了得,並表示若對方願意,自己都不介意再做「針線」做拉攏人:「如果Joyce得,相信公司都得。其實仲想我哋3個人做一個真人騷,但應該有好多嘢都出唔到街,因為私下成日同Joyce嗌交,Mag就會擔當調停人。(你嗌贏多?)通常都係我輸,問Joyce嘅話佢實會話讓我!」

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。