「細龍太」陳偉琪有大靠山 拒絕800萬包養

2019年07月07日 00:01
東網電視
更多新聞短片
唔只心口,原來Vicky本身真係有米!

近年憑《愛.回家之開心速遞》中「細龍太」一角上位的無綫36E咪神陳偉琪(Vicky),初出道時因身材惹火及經常演姣爆角色,經常被「問價」邀去飯局,最誇張的一次更出到800萬「包養價」。雖然從來不為所動,但她又被踢爆「神奇地」返工駕靚車,開工粗戴近10萬元名錶,經常出埠旅遊又食好嘢,最近更搬入西貢千呎獨立屋居住,如此有錢原來並非靠「外快」,只是背後有個「富爸爸」!

家中獨女 富爸爸錫到燶

據知,Vicky父親做大型貿易生意逾廿年,由於只得她一個女兒,由細到大錫到燶,可以話要乜有乜!就算陳父現已退休,一家人依然生活無憂。雖然家底厚,但她又堅拒做「金絲雀」,選港姐加入娛圈後,仍不斷在演藝事業尋求突破,早前更參加有表演界「奧林匹克」之稱的「WCOPA」世界表演藝術錦標賽,結果一口氣贏得三個大獎,成功殺入本月於美國荷里活舉行、為期9日的總決賽。

拒靠父幹 做兼職做學費

被問到是否生於富貴之家?不想高調的Vicky接受東網專訪時說:「唔係!小康之家嚟啫!我由細到大都希望靠自己努力,以前讀大學都係靠獎學金同做兼職交學費。」至於是否有很多飯局邀請?她說:「係!好多仲要好高價,好搞笑!不過我見到會即Block咗佢,冇興趣!真係試過出到800萬,好好笑,可能我初入行接嘅角色一面倒,會有比較惹火嘅演出,印象冇咁好。(畀人誤解係咪很難受?)拍戲角色係冇得選擇,雖然都好無奈,但我會堅持做番自己,好似打籃球、彈豎琴咁,等大家慢慢認識真正嘅我。」

--------------
立即參加「賞您睇」:http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。