客串都可以好搶鏡 吳海昕爆喊戲獲讚

2019年07月08日 06:30
東網電視
更多新聞短片
演技爆發!

ViuTV劇集《教束》已大結局,獲大批網友激讚,被譽為近年最貼地及有社會意義的劇集,當中客串演出的女藝人吳海昕(Sofiee)亦獲讚演技出色,喊戲令人心痛!Sofiee今次只參與了拍攝一日半時間,頭一場便是跟主角劉俊謙的爆喊分手戲,劇中阿謙與拍拖七年的Sofiee因對將來沒有共識,忍痛決定分手,兩人相當專業,很快火速入戲,Sofiee的眼神既有嬲怒亦流露出不捨,她說:「開頭都幾大壓力,好在阿謙好專業,事前講咗好多戲入面背景畀我知,結果一、兩個Take就完成。(覺得自己同角色似唔似?)個角色係好理想、目標為本嘅女強人,我自己做演員就虛無飄渺,冇咩諗後果咁,開頭都驚做唔到個角色,但身邊朋友就幫到我參考,始終喺香港,女士就到30歲好似有警報咁,有生育壓力同埋其他生活上嘅壓力,結婚係感受到保障,拍嗰陣我都即興加咗句對白,我問佢同我一齊係咪好唔開心,我相信好多關係都係咁,拍咗好耐拖但冇問自己仲係咪愛對方。」她直言很喜歡此劇的劇本,尤其是一群學生的戲份,雖然自己沒有參與該部分,但自己超有感覺,也很開心劇集獲得觀眾認同。

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。