相知相交！徐錦江專誠回港悼「惡人」李兆基

藝人徐錦江、羅家英及已故電視劇監製蕭笙的兒子蕭智剛現身藝人李兆基的安息禮拜，徐錦江表示今次專程來港悼念：「我今日下午到，聽日就走。我同佢識咗好多年，但十幾年冇見。同佢一齊嘅時候好開心，雖然大家十幾年冇見，但好多嘢都停留喺我腦海中，佢係好長情嘅人。」

至於羅家英稱兩人相識於1994年：「當年王晶簽咗徐錦江同我做藝人，派咗李兆基做我哋經理人，佢好多嘢講，大條道理，個人好好，好有義氣。（佢病之後，有冇探過佢？）冇，係三、四年前見過面。（有冇咩難忘回憶？）回憶一定有，佢係我哋好朋友，記得李兆基同徐錦江好耐之前去海南島做嘢，仲差啲畀人屈添！合作咁耐佢都好照顧我哋。佢好努力工作，對電影有興趣，唱歌仲愈來愈好。」