無綫劇集《白色強人》將於星期五（12日）大結局，心臟腫瘤病發的洛雯（李佳芯飾），於今晚播出的一集，替病人做手術期間再突然病發，急召唐明（馬國明飾）幫手，唐明勸她接受治療，一句「希望你將個心交畀我」，洛雯終於聽她的勸告，唐明更親為她做手術。

馬國明受訪時，指該場戲要在雨中勸佳芯不要放棄，坦言頗為辛苦：「導演要求一Shot落，唔想剪得太碎，但係我哋又要就番啲環境同人造雨，對白又好長，嗰場戲拍得幾辛苦，但效果出嚟都幾好！而Ali做手術嗰場戲，現場指導我哋拍攝嘅醫生話個手術係清除心臟癌細胞，喺醫學界係好前端嘅一樣嘢，難度相當高！我未拍呢套劇之前，完全唔知可以咁做，希望觀眾留意吓啦！戲入面除咗感情線外，手術室戲真係好好，劇本搵咗好多團隊同醫生睇過，所有手術喺合情合理嘅情況下進行，相當認真。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。