复出在望？黄心颖偷食后首现身无綫节目

因为背马国明偷食人夫许志安，结果艺人黄心颖败走美国避世消失人前，而无綫方面亦将一切有关黄心颖嘅嘢暂停，当中包括剧集同埋节目，好似《法证先锋IV》同埋《懿想得到》咁，宁愿重新拍过都唔畀佢喺公仔箱见人！话口未完竟然喺凌晨时段，见到黄心颖喺无綫节目入面出现，唔通喺想试水温为佢嘅复出铺路？

喺深夜时段，无綫都会重播一啲节目或者剧集，呢日重播嘅节目《设计部屋》就系黄心颖做嘉宾，内容讲到睡房嘅设计，佢话只要有一张舒服嘅床，就已经系理想嘅睡房。唔少网民都好惊讶仲会喺电视见到黄心颖，推断系节目顺住集数播，但系冇留意到入面有佢嘅存在，所以先至畀佢重现人间！

东网致电无綫高层乐易玲，问到心颖系咪逃出生天？佢话：“冇啲咁嘅事！”

---------------

立即参加“赏您睇”： http://bit.ly/2JWKULh

Click下面粒掣，储on.cc coins！机票、家电、超市礼券、过万份奖品等紧你。