閃粉金髮襯鮮色衫!陳國邦同廖碧兒大鬥法

2019年07月11日 18:04
東網電視
更多新聞短片
陳國邦同廖碧兒大鬥法。

藝人陳國邦、廖碧兒和袁富華齊齊為ViuTV劇集《娛樂風雲》開工,飾演娛樂公司高層的陳國邦在劇中造型甚為突出,閃粉金髮配鮮色襯衫,與廖碧兒大鬥法,爭取老闆楊永樂(袁富華飾)的信任。陳國邦表示為投入角色,專程向貪靚朋友請教,他說:「今次角色與我平日有好大分別,平時我比較不講究打扮,而角色Bruno作為電影部主管,又富創意,所以好着重外表。我都有向貪靚朋友着手,留意佢哋行為舉止。」被問到拍攝期橫跨暑假會否影響家庭生活,陳國邦說:「娛樂圈工作一向作息不定時,太太都係娛樂圈人,所以佢同囡囡都明白,開工時候就假期都要開工,唔開工時就放假,唔怕會忽略囡囡。」

廖碧兒表示剛返港開工,未適應時差:「因為之前幾個月都在加拿大,講英文多,要習慣番講中文,仲有少少時差未適應,所以都未習慣開工節奏。我其實一向鍾意喜劇,偏偏自己一向好少拍,呢幾年參與嘅角色都有好多心事同感情事,今次終於係笑片,所以好興奮,會輕鬆好多。我演出嘅角色係經理人Mary姐,對藝人要軟硬兼施,同我喺現實中對住班姪仔都好似,都會一時好惡、一時要同佢哋好老友,關心佢哋近況。而我個樣仲後生,可以帶佢哋落酒吧玩。」

她今次拍攝將與不少後輩合作,期待拍攝會十分好玩:「我要向佢哋學習,因為佢哋玩社交平台好叻。我唔敢喺片場瞓覺,因為佢哋真係夠膽影相擺上網㗎。」而於劇中飾演廖碧兒旗下藝人的陳安立大讚廖碧兒:「佢喺劇中真係好經理人感覺,可能同佢現實中成日照顧家人有關,不知不覺間當我哋係小朋友咁照顧。」

陳安立與胡希文會飾演分手情侶:「胡希文戲中會走紅,之後對我態度唔同晒,娛樂圈幾咁真實!我哋戲中都有感情線,但今次會好坎坷,所以都幾慘㗎!現實中,我做娛樂新聞主持時,都見過好多藝人紅咗態度會唔同。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。