【永别祥嫂】兆尊避答会否放售亡母故居

“慈善伶王”新马师曾（邓永祥）遗孀洪金梅（祥嫂）因肺癌离世，今日完成出殡仪式后，四名子女兆尊、兆荣、翠玉及碧玉一同回到祥嫂位于元朗的住所永祥苑，众人在祥嫂住处逗留约半小时，四兄弟姐妹临走前站在大宅外让传媒拍照，之后就出发前往缨红宴。

一众亲友到北角一间酒店的中菜部食过缨红宴。中午一时许，送祥嫂最后一程的安德尊先行离开，而兆尊则步出酒店受访，他表示：“妈妈身后事差唔多，除咗二七、三七嗰啲之外，骨灰未知几时有得拎，应该放喺佢屋企先。（故居会唔会放售？）点解要问呢啲嘢，我都话我唔锺意钱，呢啲嘢唔答。（帮妈咪出自传？）尽做啦！要搜集好多嘢，但唔迫切，唔会咁快做到咁多嘢。（系咪放下心头大石？）我冇石喎，唔好意思！”