大讚細仔腳頭好！莫家淦終送出螢幕初吻

藝人莫家淦（Keith）於5月尾再度榮升爸爸，早前細仔滿月，加上鄰近大仔莫朗翹（Keanu）嘅生日，佢哋一家四口就聯同成班親朋威友，齊齊開Party慶祝。Keith笑言細仔腳頭勁好，事關自細仔出世後，佢就工作量大增，最近更有機會喺處境劇《愛‧回家之開心速遞》入面獻出螢幕初吻，而佢喺社交網發文透露有咀戲，更引起網友競猜女主角係何方神聖，反應非常熱烈。

Keith笑指就連大仔都沾到旺氣，有幸「子承父業」：「大仔喺幼稚園畢業禮除咗上台表演跳舞，仲可以繼承我嘅工作，同另一個女同學一齊做司儀，事前我同佢排練咗好耐，不過佢一向口才都唔錯，而最後都有好好嘅表現。」