入男廁解決屙嘔 謝㺭圻空肚食藥險暈低

2019年07月13日 07:30
東網電視
更多新聞短片
都話空肚食藥會出事啦!

藝人謝㺭圻(Jan,前名謝芷倫)向來活躍於社交平台,最近佢更化身KOL,以小背心上陣拍運動片,增加咗唔少粉絲。日前佢就發文指自己身體不適,一度又屙又嘔,仲爭啲暈倒街頭,佢提到:「坐車時超級唔舒服,肚好痛,之後食咗2粒止痛藥,點知過咗5分鐘,手麻痹、全身冒汗、好凍,落車後行步路冇力,見到有棟大廈,我就行入去坐,點知突然想嘔。」佢續指當時大廈管理員上前協助,又送上慰問,令佢大感人間有愛。

東網聯絡上Jan,佢表示現時身體已無大礙,估計因為空肚食藥才導致反胃,佢又再次多謝該名大廈管理員:「個管理員見我唔舒服想嘔,主動帶我去最近嘅男廁,仲喺門口出面睇住我,話驚我暈咗冇人知,真係好多謝佢,我臨走時都不停同佢講唔該。」

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。