為新歌MV綵排！陶枳樽被嫌跳舞個樣太惡

藝人陶枳樽（Crz）嚟緊將會推出快歌，現時密鑼緊鼓進行綵排，為拍MV做好準備。日前Crz綵排時，獲老闆林建名、經理人戴夢夢及工作人員探班，令佢既開心又緊張。Crz話好開心大家都好滿意佢嘅表演，但就被「投訴」欠缺表情：「雖然我都有跳開舞，但今次係第一次企中間，同時要記歌詞，又要兼顧其他嘢，壓力都幾大。我第一次跳畀佢哋睇時，佢哋就話我個樣好惡，話我太專注跳舞，呢啲自己都係唔知，之後我都有不斷對鏡練習，想拍MV時完美啲。」

提到今次搵嚟排舞師Sunny Wong負責排舞，Crz自爆同Sunny好有淵源：「我未入行前係做舞蹈員，當時跟Sunny工作過一段時間，佢畀咗好多機會我，係我嘅伯樂，所以今次好開心可以用另一個身份同佢合作，對我嚟講係一個重大意義。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。