與陳嘉莉再分手後首同場!張建聲自爆導火線

2019年07月13日 14:26
東網電視
更多新聞短片
陳嘉莉同張建聲再次分手之後都冇尷尬。

藝人張建聲和陳嘉莉(Kelly)出席hmvod線上影院活動,是兩人再次分手後首度一同現身,席間見兩人毫無芥蒂,心情輕鬆,之後更一同受訪。問到兩人分手後一同出活動可會尷尬?張建聲表示:「唔會,大家都一段時間關係良好,屋企人嘅感覺點會尷尬。」問到二人在電影《作家的謊言》入面可有親熱戲?他笑言:「就係冇先發嬲,可能導火線係咁。」Kelly坦言今次是和平分手:「諗咗一排,工作重要啲,我仲後生,可以專注啲。(會唔會又有復合機會?)暫時未係。」

問到如果之後拍戲要演情侶,可會尷尬?張建聲表示:「我絕對冇問題,最緊要睇劇本角色啱唔啱。」他又謂:「覺得世上冇100%嘅嘢,只係暫時性,將來嘅嘢冇人知,講埋今次就唔提,想大家專注番電影,唔想大家以為我哋又耍花槍。」

講到其首次監製的電影《作家的謊言》票房不太好,張建聲坦言:「相當失望,但冇得強求,惟有放輕啲,可能個天覺得你未係時候,要做再好啲。我成日覺得強者等待機會,智者創造機會,我唔係話自己係智者,但係自己會係肯衝出嚟嗰班人。」Kelly就幫口謂:「呢套戲口碑好好,仲成為10月喺芝加哥舉行嘅『亞洲躍動電影展』第九季嘅閉幕電影。」張建聲都謂:「呢套戲冇主動參加任何影展,所以呢個都算係安慰獎,好感恩。」
訪問尾聲,張建聲突然記者「上身」,自問自答講起結婚,笑言復合已問到厭,記者問是否與Kelly結婚?他說:「將來嘅嘢將來先算。」但Kelly就說:「應該唔係我。」

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。