幾個Ex都有聯絡 許廷鏗唔排除會翻兜

2019年07月13日 16:22
東網電視
更多新聞短片
咦…唔通……

歌手許廷鏗(Alfred)出席以器官捐贈為主題的學生短片創作比賽頒獎典禮,他稱最近開始學影相及經營自己的YouTube channel,所以很期待觀看學生的作品從中取經:「除咗自己嘅音樂,我都有分享唔同音樂,好似同我唔同公司嘅JW嘅歌,就算畀公司鬧都會咁做,我唔係分公司,我鍾意就會share。音樂之外,我都想拍片分享吓啲美食,我之前放咗食拉麵嘅相,有好網友問我個店名,之後都想試吓做食評,因為呢樣我叻啲,同埋個個都鍾意食。」

談到工作,Alfred透露早前到台灣為新歌《我們與愛的距離》拍MV,8月便會推出,他坦言感壓力:「因為隔咗一段時間冇出新歌,而且好耐冇出一首純粹講愛嘅歌,呢首歌都令我諗起以往幾段愛情。加上之前我開演唱會,幾個前度都有嚟睇,大家都有聯絡番。(大家都保持友好?)Ok嘅,有一個以為唔係好friend,但原來都係Ok,好尷尬,但聯絡番就發覺以前大家都年輕喇!(有冇復合機會?)未諗到嗰邊,但唔排除可能性。(幾個一齊?)咁又唔好,有啲從來都係好朋友,有啲係由好朋友開始,我好小心,要開始一段關係我會諗清諗楚,唔會亂嚟。」

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。