獲細仔約去畢業旅行!陳美齡:係成年嘅高潮

2019年07月13日 17:53
東網電視
更多新聞短片
陳美齡好興奮細仔金子協平邀請佢一齊去葡萄牙旅行。

歌手陳美齡(Agnes)出席嘉年華活動,透露今次會留港約一個多星期,書展期間會為新旅遊書宣傳:「同二仔金子昇平一齊寫咗本關於東京嘅旅遊書,我就介紹啲成熟人去嘅地方,佢就介紹啲年輕人鍾意去嘅地方,因為市面都有好多旅遊書,都想做得突出啲,啱晒一家大細。」她又大呻比起出教育書籍更辛苦:「嘥好多腳骨力,去咗好多地方食嘢、行,寫教育書都係自己坐定定咁寫,但呢本書仲要不停打電話去問啲公司攞相,搞成年幾,好耐時間。」

講到早前舉家到美國出席細仔金子協平的大學畢業禮,笑言終於「甩身」的Agnes手舞足蹈、勁興奮細仔邀請她去葡萄牙旅行:「係二人世界!畢咗業之後,細仔會讀多年碩士先,依家佢做緊暑期工賺錢,就話同我去畢業旅行。(佢請?)佢出番自己嗰份。(老公唔會呷醋?)由佢呷醋囉,個仔冇約佢、約我咋,唔關我事㗎!(幾時去?)佢話8月機票平啲,好期待呀!其實去邊都冇所謂,去長洲都得、天涯海角都得!」再感觸表示現時三名兒子都大學畢業好安慰、幾辛苦都是值得:「但佢哋一做嘢就愈嚟愈少見,好難請假,希望今次去旅行好玩,係成年嘅高潮!」

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。