結婚五周年 古巨基冧認老夫老妻

2019年07月13日 19:10
東網電視
更多新聞短片
結婚五周年,拍拖都唔知幾多年喇!

歌手古巨基和太太Lorraine是圈中模範夫婦,今日仲係佢哋結婚五周年嘅大日子,問到廿四孝老公基仔何有特別的慶祝節目?他說:「今日結婚五周年,係一個好日子,哈哈。冇乜點樣送小禮物,兩公婆本身諗住都簡單過,不過尋日啲朋友話不如今日一齊上我屋企幫我哋慶祝,所以今晚會同一班朋友食飯。」

基仔又話眨吓眼就結咗婚五年,時間過得好快:「眨吓眼加埋拍拖嘅日子都真係老夫老妻喇,所以冇乜話要搞啲乜嘢surprise,其實簡簡單單,好似我首歌《亂世情侶》咁,兩個人好好咁過每日已經係好好㗎喇。」有乜嘢同古太講?基仔甜蜜笑住話:「我真係恭喜佢!」

另外,基仔慶祝結婚周年前,不忘工作出席活動,大受小朋友歡迎的他變身「古sir」,同現場小朋友玩遊戲,小朋友一上台,基仔就不忘搞鬼一番,問小朋友名、媽媽名,又問媽媽電話號碼,小朋友都如實作答,最後基仔又問爸爸靚仔啲定自己靚仔啲,小朋友坦言:「古sir!」全場立即爆笑!

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。