陸詩韻爆10年前離巢真相　原來係為咗…

藝人陸詩韻出席慈善晚會，講到今年原來是她離開無綫的第10年，她說：「真係十年人事幾番新，不過好多人都覺得我好似冇離開過，其實呢10年都做咗好多嘢，離開咗呢個圈做咗自己啲小生意，又去返幕前，依家就一半一半，不過如果畀我再揀，我諗我依然會係咁選擇。（當年係咩事離開？）因為嗰陣屋企做製衣，但生意唔係幾好，爹哋叫我返屋企幫手，但兩邊兼顧唔到，討論咗幾次之後就離開咗TVB，之後我又開咗公司。」

她表示輾轉現時返回TVB，但就轉做部頭形式，覺得幾舒服：「限制冇咁大，一劇還一劇，因為一套劇拍三個月，完咗可以繼續做其他嘢。（嚟緊有冇拍劇？）呢排靜咗，啱啱補拍完《法證先鋒IV》，依家都係忙做啲美容產品嘅代言。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。