挑「肌」寫真女神!楊潮凱激凸被睇蝕

2019年07月13日 23:00
東網電視
更多新聞短片
楊潮凱代表男士挑戰寫真女神。

34歲藝人楊潮凱早前在劇集《鐵探》扮演奸角正龍,贏得不少掌聲,原來月前已約滿TVB,離巢後即搞作多多!除了擔正音樂微電影兼做監製及寫劇本,他還參與今年寫真戰,遠赴檳城取景,代表男士挑戰孫慧雪和崔碧珈等寫真女神。

出寫真自然少不了晒肌,他直言只得不足一個月時間操練,成功由170磅減到144磅,胸肌及腹肌都算有睇頭,還有激凸場面!不過,他因為谷肌做Gym不慎弄傷後腰近脊椎舊患,要忍住超痛楚拍攝:「拍攝前一晚拉背唔覺意拉傷,烏身綁鞋帶都超痛,要做爬上爬落嘅動作都要好小心。」

講到書中絕密的白色三角泳褲造型,潮凱笑言平時游水都會加沙灘褲,因此頗為尷尬:「開頭諗住全男班團隊唔尷尬,但因為酒店泳池冇清場,現場有好多女泳客眼望望,仲拎相機偷影,都有啲尷尬。(泳褲入面有冇攝嘢?)冇呀!我唔識,而且攝嘢好覺嘅。」問到太太有否擔心老公被睇蝕?潮凱說:「佢好輕描淡寫喎!仲話『好啊』、『影靚啲』咁。」又指書中亦有文字,紀錄10年演員的心路歷程:「記低自己唔同階段嘅一啲諗法,等老咗可以睇番後生係點。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。