內地女星李冰冰近年除咗成功打入荷里活外，有份創辦嘅和頌傳媒公司亦有唔少搞作，繼今年3月正式宣布內地女星趙麗穎以合夥人身份加入後，近日佢旗下又再添一名猛將，就係台灣型男何潤東！呢日和頌傳媒透過微博發文：「齊心何力（諧音：齊心合力）」歡迎何潤東加盟，而身為合夥人嘅李冰冰亦有轉發，並留言：「歡迎何潤東加入和頌，未來一起加油！」至於何潤東則發文：「很開心能和和頌傳媒合作，未來大家一起努力。」其實何潤東近年主力喺內地發展，2017年憑住劇集《那年花開月正圓》而人氣急升，相信今次有李冰冰加持，事業定必更上一層樓。

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。