拍網劇被迫全裸 Miss Hunny凍到唔識尷尬

2019年07月14日 06:30
東網電視
更多新聞短片
大犧牲!

網紅魔術師Miss Hunny(何穎璇)搞作多多,不時拍片娛樂大家,吸引大批粉絲追看,最近她身兼導演及女主角拍攝網劇《有種同居》,與樂隊Mr.主音Alan(布志綸)在上海發展出一段另類又特別的同居關係,今次Miss Hunny更做埋編劇、剪接及中文字幕,認真多才多藝!她說:「聽落身兼多職好似好辛苦咁,但其實我哋成個製作都只係得幾個人去完成,我哋每個人都身兼多職,每個人都咁辛苦,最開心係幕後同Alan義無反顧咁同我癲,聽完我講古仔之後,就一齊攞假飛去上海拍,拍攝時間只有兩日半,資源又好有限,大家幾日冇覺好瞓,係一個不折不扣用肝功能去換取嘅作品!」

劇中開首Miss Hunny就上演出浴戲,因Alan不知道有人在浴缸中,竟放走缸中的水,最後她被迫「全裸」出鏡,她亦表示該場戲相當難忘:「現場冇暖氣,機械唔可以浸太熱嘅水,但室內溫度只有兩、三度,本身我應該覺得好尷尬,因為全部係男人,但我一心只係想快啲拍完,浸太耐我應該會凍死,到拍完先發現好尷尬。」

Miss Hunny又表示起初打算找人做女主角,自己專心做導演,但Budget有限:「我又真係唔知點說服一個女仔,喺應該冇人工嘅情況下拍出浴戲,諗嚟諗去好似說服自己最容易。」另一位導演Denny Chu表示跟Miss Hunny合作非常開心,但時間緊迫,每朝5點就要出發拍攝,又要拍足15個小時,大家都相當難忘,希望觀眾喜歡他們的作品。

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。