有「仔女」唔急生B　麥皓兒孖學生出騷

藝人麥皓兒（Joey）日前為環保慈善音樂會擔任表演嘉賓，本身兼任歌唱導師嘅佢仲帶埋學生上台，兩師徒拍住上演出，二人以「師徒裝」上陣，大唱深受小朋友喜愛嘅英文歌《Let it go》，成功炒熱全場氣氛。

Joey指今次活動別具意義，事關除咗身體力行宣揚保育訊息外，更能讓學生從中參與做善事：「好開心可以同學生一齊演出，等佢有多啲表演機會之餘，仲可以教識佢透過歌聲分享正能量，從小培養做善事嘅習慣。我自己作為唱歌老師，除咗想將專業知識帶畀學生，更加注重佢哋個人品德方面嘅發展，而我亦會以身作則，成為學生們嘅好榜樣。」

至於問到佢咁鍾意小朋友，有冇計劃成家立室？Joey就笑言：「我都有同男朋友傾過，現階段大家都想先專注喺事業上，同埋我一早當咗啲學生係仔仔女女咁，可以止住啲『媽媽癮』先。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。