點解?Kimberley露胸光 網民唔Buy叫收埋

2019年07月14日 10:30
東網電視
更多新聞短片
Kimberley原來都好有料。

嚟到夏天,女士們又係時候着泳衣騷吓辛苦鍛煉番嚟嘅好身材!當年憑一曲《愛你》喺亞洲走紅嘅台灣歌手陳芳語(Kimberley),一向行開甜美可愛路線嘅佢都唔執輸騷吓Quali,呢日佢去咗馬來西亞工作,趁得閒去咗酒店泳池曬太陽,佢喺社交網甫出一張身穿三點式背面黑白照大騷美臀,粉絲紛紛留言話唔夠喉叫佢擰轉面畀大家欣賞吓,之後佢真係徇眾要求甫出正面照,大方展露豐滿嘅上圍,估唔到身形嬌小嘅佢咁有料!

唔知係咪睇唔慣佢呢個造型,竟然有網民留言叫Kimberley收埋「胸」光:「獻醜不如藏拙,勉強製造事業線胸也不會大一點,還有,露也要露得好看。。。」雖然畀人咁樣話法,不過心情靚靚嘅Kimberley似乎唔受影響,佢親自回覆呢位網民留咗三個笑到喊嘅emoji,唔少粉絲都讚偶像EQ夠晒高答得好得睇。

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。