【生死一瞬間】黃澤鋒52歲太太產女

2019年07月14日 10:30
東網電視
更多新聞短片
最緊要依家母女平安!

藝人黃澤鋒太太、52歲陳麗麗於年初宣布成功造人,一轉眼B女已經出世喇!黃澤鋒於社交網報喜,晒出愛女腳仔相,宣布:「歡迎妳的來臨!#幸福並不是必然的 #生死一瞬間 感恩我們可以…」最後更Hasgtag「#和你一起繼續走」,令人非常感動。

高齡產婦生B時風險會特別高,之前黃澤鋒講過太太會選擇剖腹降低危險,喺生產過程出現嚴重問題生死一瞬間。澤鋒表示曾想睇住囡囡出世,但太太最初半身麻醉,但因腳腫變要全身麻醉,醫生突然請他出手術室,當時澤鋒表示好驚,等了半個鐘後姑娘再叫他入產房,跟他說囡囡出世了請負責剪臍帶,澤鋒表示:「我即刻衝入去,醫生急救緊太太,仲話囡囡唔係好喊,我就鬧囡囡『喂,你做咩?』結果佢就喊,佢一喊就冇咩事。」

醫生邊為澤鋒太太縫針邊解釋,指其太太生產時血壓飆升有中風可能,去到妊娠毒血爆發臨界點,唯一方法是等小朋友出世,媽咪便會安全。最後母女平安,二人其後轉到接受治療及觀察ICU,休息數日後出院,一家三口已回家,他才安心於社交網報喜。

黃澤鋒嘆幸福唔係必然,佢話:「兩個人入去,就三個出番去,我只係想大定平平安安,幸幸福福,有冇錢叻唔叻都冇所謂,三個人幸福地生活。係上天對我嘅考驗,今次係個天賜咗份禮物畀我,已經好感恩,我會努力工作,照顧好老婆同埋個女。」


---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。