孖父母睇納米樓!麥明詩實現「上車」夢?

20190714
東網電視
更多新聞短片
唔知麥明詩睇中咩單位呢?
「十優港姐」麥明詩(Louisa)上年六月講過未有能力同需要買樓,又話將來結婚要置業,亦都可能要屋企人幫手,事隔一年,Louisa今日就被發現同父母現身一個新盤嘅售樓處!Louisa睇中嘅屯門新盤菁雋被形容為「納米樓」,最細實呎單位只有128方呎,可以話細絕全港新盤!而折實入場費僅約173.8萬港元起,相信對早前借過一百萬畀朋友嘅Louisa嚟講絕不吃力!
麥明詩回覆東網指自己係陪屋企人去:「多謝關心!都係陪屋企人嚟。哥哥喺屯門醫院返工,嗰盤喺屯門醫院旁邊,所以有興趣想買,最後都係等哥哥決定啦!(係咪已經入票?)詳情唔講太多喇,都尊重番哥哥個私隱啦,希望佢一切順利,我哋一家人都互相支持,因為知道上車都好困難。」
對於市場消息指買了三個單位,麥明詩不置可否:「都係嗰句,我阿哥唔係公眾人物,係醫生,所以我唔方便代佢答咁多,都想保障番佢(私隱),佢都係第一次買樓,主要係同醫院近,係自住用途。」
麥明詩的哥哥麥明山,2013年於香港中文大學醫學院畢業後,於屯門醫院當實習醫生,他和麥明詩感情要好,曾現身麥明詩主持的節目《#後生仔傾吓偈》,並大爆對方擇偶條件是不愛靚仔外,又指對方整潔度低:「你睇佢架車就知,明明係五人車,但只係坐到一個人!」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。