拍劇拒太太探班！吳岱融：唔想畀佢見到…

藝人吳岱融出席兒童慈善時裝騷活動，任表演嘉賓的他會唱許冠傑的《有酒今朝醉》。問到可是其飲歌？他說：「主要係搞吓氣氛，首歌8歲到68歲都啱，唔係鼓吹飲酒！」至於他剛完成劇集《大醬園》拍攝，他坦言：「未正式到夏天已經差啲中暑幾次，件戲服4層又唔透風，入面件衫熱到濕晒都乾唔到，喺外景拍十幾個鐘，以我年紀好彩有踢開波，頂得住熱。」

問到太太可有去探班？吳岱融謂：「唔好啦，咁辛苦，唔想熱到畀佢見到我啲嘴臉，咁佢都有煲涼茶同消暑湯我飲，兩夫妻互相扶持啦。」他稱現可以休息放吓假，會去沙巴、馬來西亞，亦去新加坡探阿仔：「佢讀緊電影特技，佢好enjoy 嘅，但成日喺房對住部電腦，又少做運動，都專登買咗啲眼鏡佢戴護眼，見佢黑眼圈好深。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。