林夏薇透黑Bra 蕭正楠夠膽𥄫

2019年07月14日 16:29
東網電視
更多新聞短片
蕭正楠同林夏薇合作。

藝人蕭正楠(阿蕭)與林夏薇(薇薇)出席無綫新劇《十二傳說》,穿上透視裝現黑Bra的薇薇,自言稱不上性感,在旁的阿蕭被問到是否不敢直視對方?他指認識薇薇老公,故不會不敢望,即被取是否洪永城也可望其太太黃翠如?阿蕭抵死說:「望咗我都唔知啦。(有投訴?)冇。(翠如會睇你套劇?)唔使叫都會,不過佢月底就同洪永城去澳洲拍節目。(會Check實老婆?)唔使,洪永城女朋友喺香港,佢點對翠如,我就點對佢女朋友囉!」薇薇被問到老公是否怕鬼?阿蕭聞言即搶答:「講緊你唔化妝嗰陣呀!」薇薇也反擊指老公認為她素顏更美,令阿蕭無力招架。

活動期間他們聯同劇中演員劉佩玥、黎燕珊、李綺雯、吳沚默等,以短劇形式介紹劇中傳說,雖然背景音樂及氣氛詭異,但眾星也忍不住不爆笑。提到劇集拍罷一年多才播出,阿蕭指近日睇宣傳片段也感精彩:「好似劉佩玥着新娘裝咁,不過佢本身個樣已經好得人驚!同埋我覺得播完套劇,可以搞番個香港猛鬼地方旅行團。」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。