龔嘉欣是非多　寸朱晨麗請假影響進度？

藝人龔嘉欣之前與好姊妹姚子羚傳出不和，而剛剛拍畢無綫電視劇《大醬園》的她，又有是非上身，今次她被指與此劇女主角朱晨麗不和，二人向來沒有兩句，但朱晨麗之前拍此劇時既中暑又甩骹，曾因此請假而影響拍攝進度，引來龔嘉欣不滿，更引致她要連續開廠，沒有時間休息，出現耳水不平衡而入院。之後她更於FB暗寸留言：「怕辛苦便不要當演員。」

而龔嘉欣被指經常耍大牌，要PA（助理編導）遷就她，替她改通告，表示不改就不現身，明顯擺阿姐款。龔嘉欣接受訪問時謂：「唔想呢件事再繼續發酵，我呢10年嚟都係咁捱，到而家都冇變過，其他嘢唔講太多，唔想咁多事事非非。」朱晨麗受訪時只謂：「拍攝大醬園因為喺夏天拍，又有30集咁長，所以個個演員都好辛苦！我拍攝期間有試過中暑休克，但都有繼續拍攝。相信好多人都會借社交平台來抒發自己嘅壓力，所以都好明白同埋體諒會咁樣做嘅人。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。