韓裔男星Mike呻新片演李小龍壓力大

2019年07月18日 01:00
東網電視
更多新聞短片
Mike在新片飾演李小龍。

由荷里活鬼才導演昆頓塔倫天奴(Quentin Tarantino)執導的新作《從前,有個荷里活》(Once Upon a Time ... in Hollywood)下周將率先在香港上映。影片背景為60年代的荷里活,除了有大導演波蘭斯基(Roman Polanski)與影壇巨星史提夫麥昆(Steve McQueen)出現之外,仲有當年在美國搵食的李小龍!而美籍韓裔新星Mike Moh就飾演小龍一角。

原來特技人出身的Mike亦係李小龍的忠粉,他說:「我自細已當Bruce(李小龍)為我嘅英雄。能夠有機會飾演Bruce簡直就係美夢成真。我開始試鏡時已知道個角色係李小龍,但我努力才爭取到個角色。我獲取錄前經過四輪試鏡。整個選角過程花了差唔多兩個月,那絕對係我人生中最長嘅兩個月!」

據Mike透露埋位前花了好多工夫準備:「每次要演真實人物角色都一定增加壓力,因為觀眾已對個角色有認知。尤其個角色仲要係李小龍,那就更加多雙倍壓力。我花咗好多時間去研究Bruce嘅聲線、動作同打扮。喺未成為超級巨星之前,佢當時嘅心態係60年代嘅一個人同藝術家。我不單止依靠佢嘅電影作品年表,仲靠睇佢當時一啲訪問。」

除了可以演李小龍之外,Mike亦有機會同兩大男神畢彼特(Brad Pitt)與里奧勒度狄卡比奧(Leonardo DiCaprio)合作。不過原來Mike最開心都係可以與在片中飾演經理人的金像影帝阿爾柏仙奴(Al Pacino)同片!Mike表示至今仍好難相信自己個名可以同阿爾平排,而他亦大讚畢彼特好專業。

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。