去探老竇鄧超班　阿仔聽到呢句對白嬲嬲豬

內地模範夫妻鄧超同孫儷一向好保護小朋友，早前出席新戲首映終於帶一對仔女公開人前，呢日孫儷爆一年前帶仔女去探老竇班，阿仔聽到一句對白搞到好唔開心嬲嬲豬！

究竟呢句對白係乜呢？孫儷透露就係阿仔見到戲中嘅小朋友嗌鄧超做「爸爸」，即場呷醋話：「為甚麼他們要喊我的爸爸叫爸爸，他是我的爸爸，不是他們的爸爸。」當時得六歲嘅阿仔唔明白乜嘢係拍戲都好正常，經過一輪講解之後，孫儷以為阿仔已經明白拍戲嘅情況，點知早前仔女去睇爸爸新作首映後，阿仔竟然話：「媽媽，爸爸有兒子的呀，為甚麼要別人演他的兒子呢？」搞到孫儷都唔知好嬲定好笑，唔知阿仔咁講，會唔會係暗示想喺演藝圈發展？

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。